Zika virus ભારત સિવાય ઝિકા વાયરસ પણ વિશ્વ ભરમાં કુલ 86 દેશોમાં ફેલાયો છે. ઝીકા ડેન્ગ્યુ મેલેરિયા અને ચિકનગુનિયા જેવા ખતરનાક વાયરસ છે. ગયા વર્ષે ભારતમાં ઝીકા વાયરસના અનેક કેસ સામે આવ્યા હતા. તેના કેસ સામે આવતાની સાથે જ અનેક રાજ્ય સરકારોએ ઝીકા વાયરસના લક્ષણોથી પીડિત લોકો પર ખાસ નજર રાખવા કહ્યું હતું. તે જ સમયે, ભારત સિવાય, આ વાયરસ વિશ્વ ભરના 86 દેશોમાં પણ ફેલાય ગયો છે. ડેન્ગ્યુ, મેલેરિયા અને ચિકનગુનિયાની જેમ ઝિકા પણ એક ખતરનાક વાયરસ છે. આ માટે શ્રેષ્ઠ સંરક્ષણ એ છે કે તમે ઝીકા વાયરસ વિશેની બધી માહિતી રાખો. તમારે જાણવું જોઈએ કે રોગ કેવી રીતે ફેલાય છે, તેના લક્ષણો અને સારવાર શું છે.
ઝીકા વાયરસથી શું છે જોખમ.
આ વાયરસ એટલો ખતરનાક છે કે જો કોઈ ગર્ભવતી સ્ત્રીને થઈ જાય તો, તો ગર્ભાશયમાં રહેલા બાળકને પણ આ તાવ આવી શકે છે. જેના કારણે બાળકના માથાના વિકાસ રોકી જવાની શક્યતા છે અને વર્ટિકલી ટ્રાન્સમિટેડેડ ઇન્ફેક્શન પણ ફેલાય શકે છે.વર્ટિકલ ટ્રાન્સમિટેડેડ ઇન્ફેક્શનમાં ત્વચા પર ફોલ્લીઓ અથવા બર્થમાર્ક્સ, કમળો, યકૃતના રોગો, અંધાપો, માનસિક બીમારી, ઑટીઝ્મ,સાંભળવામાં પરેશાની અને ક્યારેક બાળકની મૃત્યુનું કારણ બની શકે છે. તે જ સમયે, પુખ્ત વયના ઝીકા વાયરસમાં ગુલૈન-બેરે સિન્ડ્રોમનું કારણ બની શકે છે, જેમાં શરીરની રોગપ્રતિકારક શક્તિ ચેતા પર હુમલો કરે છે, જેના કારણે શરીરમાં ઘણી સમસ્યાઓ શરૂ થાય છે.
કેવી રીતે ફેલાય છે ઝીકા વાયરસ.
આ વાયરસ ડેન્ગ્યુ, મેલેરિયા અને ચિકનગુનિયા જેવા મચ્છરો દ્વારા ફેલાય છે. તે એક પ્રકારનું એડીસ મચ્છર જ છે, જે દિવસ દરમિયાન સક્રિય રહે છે. જો મચ્છર ચેપગ્રસ્ત વ્યક્તિને કરડે છે, જેના લોહીમાં વાયરસ છે, તો તે બીજા વ્યક્તિને કરડીને વાયરસ ફેલાવી શકે છે. મચ્છરો સિવાય અસુરક્ષિત શારીરિક સંબંધો અને ચેપગ્રસ્ત લોહી ઝીકા તાવ અથવા વાયરસ ફેલાવે છે.
શું છે ઝીકા વાયરસનાં લક્ષણ.
ઝીકા વાયરસથી ચેપ લગાવેલા ઘણા લોકોને બીમારી મહેસૂસ થતી નથી. પરંતુ તેના સામાન્ય લક્ષણો ડેન્ગ્યુ તાવ જેવા જ છે. થાક, તાવ, લાલ આંખો, સાંધાનો દુખાવો, માથાનો દુખાવો અને શરીર પર લાલ ફોલ્લીઓ.
ઝીકા વાયરસની સારવાર શું છે.
આ વાયરસ માટે કોઈ રસી નથી અથવા સારવાર પણ નથી. આ ચેપથી પીડીત લોકોને પેરાસીટામોલ (એસિટોમિનોફેન) આપવામાં આવે છે.
