મહાદેવની યાત્રા એટલે લોકો અમરનાથ યાત્રા માનતા હોય છે પણ અમરનાથ યાત્રા કરતા પણ મુશ્કેલ યાત્રા છે જેને આપણે શ્રીખંડ મહાદેવની યાત્રા કહીયે છે જેના વિશે તમને નહીં ખબર હોય તો જાણી લો આજે જ અમરનાથ કરતા પણ અઘરી છે પંચ કૈલાશમાંથી એક શ્રીખંડ મહાદેવની યાત્રા, 18000 ફૂટે ચમત્કાર. 

સમગ્ર હિમાલય જ ભગવાર શંકરનું ઘર છે. હિમાલયના દુર્ગમ અને ઊંચા પર્વતો પર ભોલેનાથના સ્થાન આવ્યા છે. આમ તો આ તમામ સ્થાન પર પહોંચવું એટલે લોઢાના ચણા ચાવવા જેવું છે. પછી તે અમરનાથ હોય કે કેદારનાથ કે પછી કૈલાશ માનસરોવર. જોકે આ બધામાં કદાચ સૌથી અઘરી હશે તો શ્રીખંડ મહાદેવની યાત્રા હશે. દેવોના દેવ મહાદેવના ભક્તો પણ તેટલા જ શ્રદ્ધાળું હોય છે અને આ જોખમભર્યા માર્ગોને પાર કરીને પણ પોતાના ભોળાનાથના દર્શન માટે આ સ્થળો પર પહોંચે છે.

ઘણા લોકોને ખબર નહીં હોય કે કૈલાશ એક નહીં પણ પંચ કૈલાશ છે. જેમાં કૈલાશ પર્વત, મણિમહેશ, કિન્નર કૈલાશ, આદિ કૈલાશ અને શ્રીખંડ મહાદેવ આ પાંચ પર્વતોનો સમાવેશ થાય છે. અમરનાથ યાત્રામાં જ્યાં લોકોને 14000 ફૂટની ઉંચાઈ પર જવાનું હોય છે. ત્યારે શ્રીખંડ મહાદેવના દર્શન માટે ભક્તોએ 18570 ફૂટની ઉંચાઈ પર ચઢવું પડે છે.

રસ્તામાં આવતા મંદિરો

શ્રીખંડ મહાદેવ હિમાચલના શિમલા નજીક આવેલ નિરમંડ ખંડમાં 18570 ફૂટ ઊંચા બર્ફિલા પહાડ પર આવ્યા છે. આ માટે દર્શનાર્થીઓ 35 કિમીની ખૂબ જ જોખમ ભરેલી યાત્રા બાદ જ અહીં ટોંચ પર પહોંચી શકે છે. અહીં આવેલ શિવલિંગની ઉંચાઈ લગભગ 72 ફૂટ છે. આ પ્રવાસ દરમિયાન 7 મહત્વના મંદિરો આવે છે. જેમાં માતા પાર્વતીનું મંદિર, પરશુરામ મંદિર, દક્ષિણેશ્વર મહાદેવ, હનુમાન અંદિર, જોતાકલી, બકાસુર વધ અને ઢંક દ્વારા જેવા પવિત્ર સ્થળો આવેલા છે.

યાત્રા કરવાનો સમય

અહીંની યાત્રા જુલાઈના બીજા સપ્તાહથી શરુ થાય છે. જેનું આયોજન શ્રીખંડ મહાદેવ ટ્રસ્ટ દ્વારા કરવામાં આવે છે. આ ટ્રસ્ટ સરકારના સહયોગથી પ્રવાસીઓની સુરક્ષા, આરોગ્ય સહિતની અનેક સુવિધાઓ ઉપલબ્ધ કરાવે છે. આ યાત્રામાં ચાર મુખ્ય કેમ્પ છે. સિંહગાડ, થાચડૂ, ભીમડવારી અને પાર્વતીબાગ. સિંહગાડમાં પ્રવાસીઓની નોંધણી અને તેમના આરોગ્યનું ચેકઅપ થયા બાદ જ તેમને આગળ જવા દેવામાં આવે છે. જ્યારે બાકીના અન્ય કેમ્પમાં પ્રવાસ દરમિયાન રોકાવાની વ્યવસ્થા છે. આ દરેક કેમ્પમાં ડોક્ટરથી લઈને પોલીસ અને રેસ્ક્યુ ટીમ તૈયાર રહે છે. યાત્રા દરમિયાન ત્રણ પડાવ કરવામાં આવે છે. સિંહગાડ, થાચડૂ અને ભીમ ડવાર.

શ્રીખંડ મહાદેવ સાથે જોડાયેલી કથા

સ્થાનિક માન્યતા અનુસાર અહીં જ ભગવાન વિષ્ણુએ શિવજી પાસેથી વરદાન પ્રાપ્ત ભસ્માસુરને નૃત્યુ માટે રાજી કર્યો હતો. નૃત્ય કરતા કરતા તેણે ભગવાનની લીલામાં મોહાઈને પોતાનો હાથ પોતાના માથા પર રાખી દીધો હતો. માન્યતા છે કે આ કારણે જ આજે પણ અહીંની માટી અને પાણી લાલ કલરના દેખાય છે.

કઈ રીતે પહોંચશો

શિમલા પહોંચી અહીંથી રામપુર અને ત્યાંથી નિરમંડ પહોંચી શકાય છે. અહીં પહોંચ્યા બાદ સ્થાનિક ટેક્સીની મદદથી બાગીપુલ અને બાગીપુલથી જાઓ પહોંચી શકાય છે. જાઓથી શ્રીખંડ પર્વત પર મહાદેવના દર્શમ માટે જોખમો સામે ઝઝૂમતા ભક્તો ઉપર સુધી પહોંચે છે.

Write A Comment