પ્રેમ એટલે શું ? સાથે જીવવાનું કે સાથે મરવાનું ? આજે વાત કરીશું એક આવા જ પ્રેમી જોડાનું કે જેને મરતા પહેલા પ્રેમીએ હાથની નસ કાપીને લોહીથી પૂર્યો પ્રેમીકાનો સેથો અને પછી વાંચો.
મહારાષ્ટ્રના કલ્યાણમાં આવેલા એક ગેસ્ટ હાઉસમાં ચકચાર મચાવી દે તેવી ઘટના સામે આવી છે. એક પ્રેમીએ પ્રેમિકાનું ગળું દબાવી હત્યા કરી નાખ્યા બાદ પોતે પણ આપઘાત કરી લીધો હતો. પોલીસે આ મામલે તપાસ કરતાં ખુલાસો થયો છે કે યુવકે પોતાના હાથની નસ કાપી ગર્લફ્રેન્ડની માંગ ભરી હતી અને બાદમાં તેની સાથે સેલ્ફી લઈને હત્યા કરી નાંખી.
પોલીસે યુવકે પોતાના હાથની નસ કાપવા માટે વપરાશમાં લીધેલી બ્લડ જપ્ત કરી છે. 21 વર્ષીય અરુણ કુમાર ગુપ્તાએ પોતાની જ ઉંમરની પ્રેમિકા પ્રતિમા પ્રસાદ સાથે સેલ્ફી લીધી હતી. તેની સેલ્ફીમાં પણ ગર્લફ્રેન્ડના માથા પર લોહીના નિશાન જોવા મળ્યા હતા.
પોલીસે કહ્યું કે અરુણ ઉત્તર પ્રદેશના આઝમગઢનો રહેવાસી હતો. 12 મા ધોરણ સુધી અભ્યાસ કર્યા બાદ તે પોતાના પિતાને ફેમિલી બિઝનેસ મદદ કરતો હતો. જ્યારે અરુણની ગર્લફ્રેન્ડ પ્રતિમા એક બેંકમાં કામ કરતી હતી. તે M.Com નો અભ્યાસ કરતી હતી. પોલીસનું કહેવું છે કે અરુણ અને પ્રતિમા એક વર્ષ પહેલા ફેસબુક પર મળ્યા હતા.
પોલીસે કહ્યું કે અરુણે પિતાને જણાવ્યું હતું કે તે વારાણસી જઈ રહ્યો છે એટલે થોડા દિવસ કામ પર નહીં આવે. તેણે બનારસથી મુંબઈની ટ્રેન પકડી હતી. કલ્યાણ રેલવે સ્ટેશન પર ઉતર્યા બાદ તે પ્રતિમાને મળ્યો હતો અને શુક્રવારે 1.30 કલાકે બંને ગેસ્ટ હાઉસ પહોંચ્યા હતા.
એકવાર રૂમમાં ગયા બાદ બંને બહાર આવ્યા નહીં અને રૂમ સર્વિસથી સાંજે 7.30 કલાકે પાણી માગ્યું. રાત્રે 9.30 કલાકે ડિનર માટે જ્યારે એક હોટલ સ્ટાફે કપલના રૂમ બહારથી બૂમ પાડી તો કોઈએ જવાબ આપ્યો નહીં. જે બાદ હોટેલના માલિકે પોલીસને જાણ કરી હતી.
પોલીસ જ્યારે રૂમનો દરવાજો ખોલ્યો તો પ્રતિમા બેડ પર મૃત હાલતમ પડી હતી, જ્યારે અરુણની લાશ સીલિંગ ફેન સાથે લટકતી હાલતમાં મળી આવી. પોલીસના જણાવ્યા પ્રમાણે આપઘાત કરતા પહેલા તેણે પ્રતિમાનુ ગળું દબાવી દીધું હતું.
શનિવારે અરુણનો પરિવાર મૃતદેહ લેવા માટે મુંબઈ પહોંચ્યો હતો. તો પોલીસ આ કેસમાં હજુ સુધી નિશ્ચિત કારણ સુધી પહોંચી શકી નથી.જો કે પોલીસનું કહેવું છે કે પ્રાથમિક તપાસમાં લાગી રહ્યું છેકે અરુણે પ્રતિમાને ગામડે સાથે જવા માટે કહ્યું હશે. પરંતુ પ્રતિમાએ ઈનકાર કરી દેતા તેની હત્યા કરી નાખી છે.